पहाट
पहाट झाली गं
झुंजू मुंजू झाली गं !
शेतकरी जाई शेता
सूर्य प्रकाश किरण देता
रंगोलित भरे रंग
सया कामात गं दंग
पाखरे करती चिव चिव गं
पहाट झाली गं
झुंजू मुंजू झाली गं !
पावसाचे थेंब आले
बिंदु मोती झाले
शेतकरी खुश झाला
आनंदाने गं न्हाला
पीके जोमाने आली गं
पहाट झाली गं
झुंजू मुंजू झाली गं !
हिरवा शालू नेसे
धरती माता सुंदर दिसे
शेतक-या लाभे सुख
विसरून जाई सारे दु:ख
कष्टाचे त्याच्या चीज झाले गं
पहाट झाली गं
झुंजू मुंजू झाली गं !
No comments:
Post a Comment